 |
 |
 |
|
 მთავარიფინანსური ორგანიზაციების საყურადღებოდ!
გაცნობებთ, რომ მონიტორინგს დაქვემდებარებული გარიგებების შესახებ ცნობების ფინანსური მონიტორინგის სამსახურში წარდგენის ახალი სისტემის ამოქმედებასთან დაკავშირებით შესაბამისი ცვლილებები შევიდა ფინანსური მონიტორინგის სამსახურის უფროსის ბრძანებებით დამტკიცებულ დებულებებში ყველა ფინანსური ინსტიტუტისთვის.
1 დეკემბრიდან ანგარიშგების არსებული ფორმები, ისევე როგორც სააღრიცხვო ფორმები გაუქმებულად ითვლება. სავალუტო პუნქტებისთვის ხელახალი აღრიცხვის ვადად განისაზღვრა 2011 წლის 1 ნოემბრიდან 2012 წლის 1 იანვრამდე პერიოდი.
განმეორებით აღრიცხვა სავალდებულოა იმ შემთხვევაშიც თუ პირი აღრიცხული იყო და სარგებლობდა სატესტო რეჟიმით. ნორმატიულ აქტებში შესაბამისი ცვლილებების ტექსტები გამოქვეყნდა 31 ოქტომბერს საკანანონმდებლო მაცნეს ოფიციალურ ვებ–გვერდზე: http://www.matsne.gov.ge/ ***
საქართველოს ფინანსური მონიტორინგის სამსახური 2003 წლის 16 ივლისს საქართველოს პრეზიდენტის #354 ბრძანებულების საფუძველზე შეიქმნა. სამსახურის საქმიანობის ძირითადი მიმართულებები და უფლებამოსილებები «უკანონო შემოსავლის ლეგალიზაციის აღკვეთის ხელშეწყობის შესახებ» 2003 წლის 6 ივნისის საქართველოს კანონითა და «საჯარო სამართლის იურიდიული პირის _ საქართველოს ფინანსური მონიტორინგის სამსახურის დებულების დამტკიცების შესახებ» საქართველოს პრეზიდენტის 2009 წლის 26 ნოემბრის #859 ბრძანებულებით განისაზღვრა.საქართველოს ფინანსური მონიტორინგის სამსახურის ძირითად მიზანს უკანონო შემოსავლის ლეგალიზაციის აღკვეთის ხელშეწყობა წარმოადგენს. «უკანონო შემოსავლის ლეგალიზაციის აღკვეთის ხელშეწყობის შესახებ» საქართველოს კანონის თანახმად, მონიტორინგს ექვემდებარება როგორც ნაღდი, აგრეთვე უნაღდო ანგარიშსწორებით განხორციელებული გარიგებები, რომელთა თანხა აღემატება 30 000 ლარს (ან მის ეკვივალენტს სხვა ვალუტაში) და ყველა საეჭვო გარიგება, მიუხედავად მისი თანხის ოდენობისა. საქართველოს ფინანსური მონიტორინგის სამსახური «უკანონო შემოსავლის ლეგალიზაციის აღკვეთის ხელშეწყობის შესახებ» საქართველოს კანონის საფუძველზე შეიმუშავებს და გამოსცემს შესაბამის კანონქვემდებარე აქტებს, რომლებიც განსაზღვრავენ მონიტორინგის განმახორციელებელი პირების მიერ ინფორმაციის მიღების, სისტემატიზაციის, დამუშავებისა და საქართველოს ფინანსური მონიტორინგის სამსახურისთვის გადაცემის წესს. საქართველოს ფინანსური მონიტორინგის სამსახური თავის საქმიანობას წარმართავს ევროპის საბჭოს ფულის გათეთრების წინააღმდეგ მიმართულ ღონისძიებათა შემფასებელ რჩეულ ექსპერტთა კომიტეტთან (Moneyval), ფინანსური ქმედების სპეციალურ ჯგუფთან (FATF), სხვა საერთაშორისო ორგანიზაციებთან და საზღვარგარეთის ქვეყნების ანალოგიურ სამსახურებთან მჭიდრო თანამშრომლობის პირობებში. საქართველოს ფინანსური მონიტორინგის სამსახური 2004 წლის 23 ივნისიდან გაწევრიანებულია ეგმონტის ჯგუფში, რომელიც მსოფლიოს 126 სახელმწიფოს ანალოგიურ სამსახურს აერთიანებს, რაც საქართველოს ფინანსური მონიტორინგის სამსახურს საშუალებას აძლევს ოპერატიულად გაცვალოს ინფორმაცია სხვადასხვა ქვეყნების შესაბამის სამსახურებთან. საქართველოს ფინანსური მონიტორინგის სამსახური ფულის გათეთრებისა და ტერორიზმის დაფინანსების წინააღმდეგ ბრძოლის სფეროში აქტიურად თანამშრომლობს მონიტორინგის განმახორციელებელ პირებთან, აწვდის მათ შესაბამის მეთოდოლოგიურ და სარეკომენდაციო მასალებს, სათანადო ინსტრუქციებს. საქართველოს ფინანსური მონიტორინგის სამსახურს სისტემატური ხასიათის ურთიერთობები აქვს საზედამხედველო ორგანოებთან - საქართველოს ეროვნულ ბანკთან, საქართველოს იუსტიციის სამინისტროსა და საქართველოს ფინანსთა სამინისტროსთან. საქართველოს ფინანსური მონიტორინგის სამსახური მუდმივად აანალიზებს საქართველოში უკანონო შემოსავლის ლეგალიზაციისა და ტერორიზმის დაფინანსების აღკვეთის სფეროში მოქმედი კანონმდებლობისა და საერთაშორისო რეკომენდაციების პრაქტიკული შესრულების მდგომარეობას. ქვეყანაში ფულის გათეთრებისა და ტერორიზმის დაფინანსების წინააღმდეგ გატარებულმა ზომებმა და ამ მიმართულებით საქართველოს ფინანსური მონიტორინგის სამსახურის საქმიანობამ გარკვეულწილად გაზარდა როგორც საქართველოს მოსახლეობის, ისე უცხოელი პარტნიორების ნდობა საქართველოს საფინანსო სისტემის მიმართ და ხელი შეუწყო ქვეყანაში ინვენსტიციების მოსაზიდად აუცილებელი წინაპირობების შექმნას. |
|
 |
|
 |
 |
|
 |
|
ძებნა | |
|
კითხვა-პასუხი | |
|
FATF-ის 40 რეკომენდაცია | |
|
FATF-ის 9 სპეც. რეკომენდაცია | |
|
FATF-ის მეთოდოლოგია | |
 |
|
 |
